fbpx

بييف بوبييت

بييف بوبييت

طريقة التحضير

اول حاجه اسخن الطاسه كويس اوي و انزل مكس زيت و سمنه

و انزل اللحمه تاخد شوك و تفضل النار عاليه مش عايزه اللحمه تنزل مياه عشان متنشفش

و ارش عليها ملح و فلفل و بهارات لحمه علي كل وش و احمرها علي الوشين كويس جدا لحد ما تاخد لون لمده ربع ساعه تقريبا

و بعدها اشيلها علي جنب و ممكن ندوق حته صغيره نشوف السوا لو فاضل شويه صغيرين يبقي تمام هتكمل سوا فالصوص لو عايزنها مستويه اوي اوي ندخلها فرن سخن جدا علي حراره ٢٠٠ لمده ١٠ دقايق

و ازود سمنه و اشوح المشروم مع رشه فلفل كويس لحد ما ياخد لون و انزل بمعلقه الصويا صوص و اقلب و اكون مدوبه بودره صوص لحمه بره في نص لتر مياه كويس و انزل عليه و اسيبه يغلي غلوه و لو تقل مننا نخففه بمياه مغليه و ازود فلفل و بهارات لحمه و بلاش ملح عشان صوص اللحمه و الصويا مملحين و ارجع اللحمه كام غلوه و انزل الكريمه اخر حاجه قبل التقديم و بس بالهنا

المكونات

  • نص كيلو بييف بوبييت
  • ملح
  • فلفل
  • بهارات لحمه
  • مكس زيت و سمنه
  • مشروم
  • كيس بودر
  • صوص لحمه
  • م ص صويا صوص
  • ربع كوب كريمه .

Share this post


Call Now Button
×